Türk iş adamları Sumqayıta gəliblər. Bu barədə 30 sentyabr tarixində Sumqayıt24 xəbər verir.
İzmir Ticarət Evinin tərkibinə daxil olan şirkətlərin nümayəndə heyəti Sumqayıt Kimya Sənaye Parkında olublar. Görüşdə müxtəlif sahələrdə fəaliyyət göstərən 10-dan çox şirkətin nümayəndəsi iştirak edib.
Onlara Azərbaycanın sənaye zonaları və aqroparklarda yaradılmış əlverişli şərait, investisiya imkanları barədə məlumat verilib. Həmçinin burada istehsal olunan məhsulların ixrac imkanları ilə bağlı müzakirə aparılıb.
İş adamları Kimya Sənaye Parkında sürtkü yağları və müxtəlif növ tikinti məhsullarının istehsalı müəssisələri ilə tanış olublar.
