Sumqayıtda “Xocalı tarixi yaddaşımızdır” adlı tədbir keçirilib. Bu haqda Regional Mədəniyyət İdarəsinə istinadən xəbər veririk.
Tədbiri Tarixi muzey və Mətləb Quliyev adına 3 saylı məktəb birgə təşkil ediblər. İlk öncə Xocalı faciəsi qurbanlarının xatirəsi yad edilib.
Daha sonra muzeyin kiçik elmi işçisi, Vətən müharibəsi zamanı soyqırımın qisasının alındığından bəhs edən “Xocalı tarixi yaddaşımızdır” adlı mühazirə təqdim edib. Çıxış edən məktəbin müəllimələri isə faciə qurbanları haqqında geniş məlumat verib.
Bundan əlavə, muzeyin fondlarından tərtib olunan və qətliamın dəhşətlərini özündə əks etdirən səyyar sərgiyə baxış keçirilib.
Sonda isə şagirdlərin iştirakı ilə bədii kompozisiya nümayiş olunub.
