Etilen-Polietilen zavodunda baş vermiş yanğından sonra atmosfer havasının keyfiyyəti müəyyən edilib. Bu haqda 14 iyun tarixində Sumqayıt24 Report.az-a istinadən xəbər verir.
Monitorinqlərin nəticələrinə görə, atmosfer havasına yayılan qaz qarışıqlarından dəm qazının miqdarı normadan 3,6, azot oksid və kükürd qazı 4,2, hidrogen-sulfid isə 3,8 dəfə yüksək olub. Ərazidə şimal istiqamətində dəm qazının miqdarı 1,1 dəfə yol verilən qatılıq həddini keçib, digər göstəricilər isə norma daxilində müəyyən edilib.
Bu gün səhər saatlarında isə ərazidə havanın keyfiyyət göstəriciləri norma daxilində olub.
