Bu gün Vətən müharibəsində şəhidlik zirvəsinə ucalan Rüfət Əhmədzadənin doğum günüdür.
Sumqayit24.az xəbər verir ki, Rüfət Əhmədzadə 2001-ci il oktyabrın 15-də Sumqayıt şəhərində anadan olub. O, 31 saylı orta məktəbdə təhsil alıb, daha sonra bir il Kastamonu Universitetində oxuyub.
Rüfət 2019-cu il oktyabrın 23-də Azərbaycan Ordusunda həqiqi hərbi xidmətə başlayıb. 2020-ci il sentyabrın 27-də başlayan Vətən müharibəsində Tərtər və Suqovuşan istiqamətlərində döyüşlərdə iştirak edib.
O, sentyabrın 29-da Tərtər-Ağdərə istiqamətində gedən döyüşlər zamanı artilleriya mərmisinin partlaması nəticəsində aldığı qəlpə yarasından şəhid olub. Şəhidimizin nəşi 2020-ci il oktyabrın 1-də Sumqayıt Şəhidlər xiyabanında dəfn edilib.
Rüfət Əhmədzadə göstərdiyi igidlik və şücaətə görə ölümündən sonra "Vətən uğrunda", "İgidliyə görə", "Suqovuşanın azad olunmasına görə" medalları və 3-cü dərəcəli "Vətənə xidmətə görə" ordeni ilə təltif olunub.
Bu gün onun 25 yaşı tamam olardı.
Şəhidlərimizin əziz xatirəsi daim qəlbimizdə yaşayacaq.
