Yaşma bağlarında hərbi sursat aşkarlanıb. Sumqayıt24 bu haqda 26 aprel tarixində Fövqəladə Hallar Nazirliyinə (FHN) istinadən xəbər verir.
Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib. Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görülüb. Tapılan sursatın döyüş tətbiqinə yararlı 1 ədəd 122mm-lik top mərmisi olduğu müəyyənləşib.
Mərmi mütəxəssislər tərəfindən zərərsizləşdirilməsi üçün ərazidən kənarlaşdırılıb. Hadisə yerində və ona yaxın ərazidə hər hansı təhlükəli əşya aşkar edilməyib.
