Detektiv-yazıçı, psixoloq, ehtiyatda olan polkovnik-leytenant Elbrus Kəlbiyevin imza günü keçirilib. Sumqayıt24 bu haqda 27 may tarixində Xeberle.com-a istinadən xəbər verir.
İki saatdan çox davam edən görüş Sumqayıt Poeziya Evində təşkil olunub. Tədbirdə ictimaiyyət nümayəndələri, ədəbiyyat adamları, tanınmış ziyalılar, yazarın çoxsaylı oxucuları, dostları və gənclər iştirak ediblər.
İlk növbədə yazıçının əsərləri müzakirə olunub, çıxışçılar əsərlər haqda xoş fikirlərini səsləndiriblər.
Sonra biri-birindən maraqlı altı detektiv roman müəllifi olan Elbrus Kəlbiyev həyat və yaradıcılığından danışıb, oxucularının çoxsaylı suallarını cavablandırıb. Həmçinin o, oxucularına kitablarını hədiyyə edərək üzərində ürək sözlərini yazıb və imzasını qoyub.
Qeyd edək ki, Elbrus Kəlbiyev "Şahmat qaydaları ilə QƏTL”, "Ölülərin pıçıltısı”, "Kobranın ölüm rəqsi” , "Şeytan ruhunun ləpiri”, "Utancaq qatil” və sonuncu yazdığı "Heroqliflərin sirri” kitablarının müəllifidir.
