Yeni Azərbaycan Partiyasının (YAP) yaranmasının 30-cu ildönümü münasibətilə tədbir keçirilib. Bu barədə Sumqayıt24 xəbər verir.
Tədbir Sumqayıt şəhər Heydər Əliyev Mərkəzində təşkil olunub. İştirakçılar ümummilli lider, partiyanın qurucusu Heydər Əliyevin abidəsi önünə gül dəstələri düzüblər. Daha sonra dövlət himni səsləndirilib, ulu öndər və canlarını qurban vermiş şəhidlərimiz bir dəqiqəlik sükutla yad ediliblər.
Çıxış edənlər YAP-ın fəaliyyət dövrü ərzində qazandığı uğur və nailiyyətlərdən söz açıblar. Sonda isə partiyanın sıralarına yeni qoşulmuş gənclərə üzvlük vəsiqələri təqdim olunub. Bir qrup fəal gənc isə Fəxri Fərmanlarla təltif edilib.
