Zal nəzarətçisi sertifikatı əldə etmək istəyən namizədlərlə müsahibə mərhələsi yekunlaşır, ilkin test imtahanına başlanılır.
Sumqayit24.az Dövlət İmtahan Mərkəzinə (DİM) istinadən xəbər verir ki, elektron qeydiyyat zamanı 2649 nəfər müraciətini təsdiq edib. Onlardan 2257 nəfəri müsahibə mərhələsinə buraxılıb.
Müsahibə üçün vaxt seçimi edən 1694 namizəddən 1351 nəfəri növbəti mərhələyə buraxılıb, 152 nəfəri qeyri-məqbul qiymətləndirilib, 191 nəfəri isə ümumiyyətlə iştirak etməyib.
Sumqayıtda yaşayan namizədlər üçün müsahibə mərhələsinin noyabrın 22-də yekunlaşdırılması nəzərdə tutulur. İlkin test imtahanının isə noyabrın 23-də başlanılması planlaşdırılır.
Müsahibələr DİM-in inzibati binasında (Bakı şəhəri, Nəsimi rayonu, akademik Həsən Əliyev küçəsi, 299) və regional bölmə mərkəzlərində aparılır.
Zal nəzarətçilərinin fəaliyyətinin sertifikatlaşdırılması mərhələləri ilə bağlı sual yaranarsa, [email protected] ünvanına və (055) 207-11-31 (“WhatsApp” aktivdir) mobil nömrəsinə yaza və ya DİM-in regional bölmələrinə müraciət etmək olar.
