Sumqayıtda idman məktəbinin müəllimi həbs olunub. Bu haqda 22 avqust tarixində Sumqayıt24 Baku.ws-ə istinadən məlumat verir.
1 saylı Uşaq-Gənclər İdman Məktəbinin cüdo bölməsinin müəllimi Ceyhun Əliyevin uşaqlara qarşı zor tətbiq etdiyi, qeyri-etik davrandığı məlum olub. O, valideynlərin şikayətindən sonra həbs edilib.
Sumqayıt Polis İdarəsi faktı təsdiqləyib. Hadisənin detalları barədə əlavə məlumat veriləcək.
Qeyd edək ki, sözügedən tədris ocağının direktoru Fuad Aslanovdur. Məşq zamanı 7 yaşlı Fəridin ölümü ilə nəticələnən hadisənin baş verdiyi 19 saylı məktəb də onun nəzarətindədir.
