Qızı təqib edən şəxs saxlanılıb. Sumqayıt24 bu barədə 6 oktyabr tarixində Qafqazinfo.az-a istinadən xəbər verir.
Hadisə Bakıda, metronun “20 Yanvar” stansiyasının yaxınlığında baş verib. Ə. Abdullayeva polis əməkdaşlarına yaxınlaşaraq bir kişinin onu şəhər ərazisində təqib etdiyini bildirib. Polislər həmin adama xəbərdarlıq ediblər. Lakin o, heç bir məhəl qoymayadan gənc qızın mindiyi Sumqayıt avtobusuna daxil olub. Bunu görən qız qışqıraraq ondan avtobusu tərk etməsini istəyib. Polis əməkdaşları yaxınlaşaraq həmin şəxsdən digər avtobusa minməsini xahiş etdikdə o, münaqişə yaradıb.
Nəticədə 30 yaşlı Oqtay Əlizadə (şərti ad) bölməyə aparılıb. O, Nəsimi Rayon Məhkəməsinin qərarı ilə 150 manat cərimə edilib və sərbəst buraxılıb.
