Sumqayıtdan “20 Yanvar” ərazisinə marşrut xəttinin açılmasına baxmayaraq insanların nəqliyyat problemi çözülməyib.
Sumqayit24.az-a müraciət edən vətəndaşlar bildiriblər ki, universitetlərdə dərslərin başlamasından sonra 594 nömrəli avtobuslara minmək mümkün olmur. Səhər və axşam saatlarında evinə getmək istəyən hər bir sərnişin azı iki avtobus buraxır, yer üstündə digər sərnişinlərlə “güləşib, savaşarsa”, üçüncü və ya dördüncü avtobusa əyləşə bilir.
Şikayətçilərin sözlərinə görə, “594”ün qrafiki də bəzən axsayır. Məsələn dünən insanlar avtobusu nə az, nə çox düz 40 dəqiqə gözləməli olublar. Halbuki nəqliyyat vasitələrinin arasındakı interval 11 dəqiqədir.
“Məsul qurumdan bir çarə tapmasını xahiş edirik. Ya xəttə əlavə avtobus buraxsınlar, ya da sərnişinlər arasında növbə sistemini qursunlar ki, insanlar öz aralarında yer üstündə davaya çıxmasınlar”, - deyəş müraciətçilər əlavə ediblər.
