Aparıcı Hüsniyə Məhərrəmli Bakı-Sumqayıt yolunda rastlaşdığı sürücüləri təhqir edib. Sumqayıt24 bu haqda 21 mart tarixində xəbər verir.
O, öz şikayətini sosial şəbəkə hesabı vasitəsilə yayımlayıb:
“Deməli, gecə olan kimi Bakı küçələrinə, əsas da Bakı-Sumqayıt, Bakı-Xırdalan yoluna maşın sürməyə “eşşəklər” çıxırlar. Adam onlara “eşşək” də demək istəmir. Onlar eşşəkdirlərsə, onda eşşəklər də adamdır. Deyiləsi deyil… Çoxdankı ideyam var. Onun biznes-planını yazacağam.
Yadınızdadırsa, siqnallar var idi, “Lambada” səsi verirdi, sifariş də edə bilirdiniz. Elə bir siqnal sifariş edirsiniz ki, ürək sözlərinizi səsləndirsin və yanınızdan növbəti dəfə biri keçəndə əziyyət çəkmirsiniz, səs tellərinizə yazığınız gəlir. Bütün o bədahətən gələn emosiyaları özünüzdə saxlayırsınız. Siqnalı basırsınız, o, sizin yerinizə ürək sözlərinizi həmin adama çatdırır.
Hələ bir-biri ilə yarışan yük maşınlarını demirəm. Gecə vaxtı məni əsəbiləşdirdilər”.
