Azərbaycanda 2025-ci ildə təxminən 814 mindən çox 15 yaş və yuxarı şəxs həddən artıq piylənmədən (bədən çəkisinin orta əmsalı 30-dan yuxarı olması) əziyyət çəkib.
Bu barədə Report.az-a Dövlət Statistika Komitəsindən məlumat verilib. Bildirilib ki, bu göstərici kişilər arasında 9,3%, qadınlar arasında isə 10,6% olub.
Ölkədə ümumi sayı 797.700 nəfər təşkil edən 15–19 yaşlılar arasında həddən artıq piylənmə 0,7%, 20–44 yaş qrupunda (ümumi sayı 649.200 nəfər) 4,3%, 45–64 yaş qrupunda (2.408.100 nəfər) 16,4%, 65 və yuxarı yaşlı əhali arasında (1.012.300 nəfər) isə 19,3% təşkil edib.
Məlumata görə, 15–19 yaş qrupunda bu göstərici oğlanlar arasında 0,5%, qızlar arasında 0,8% olub. 20–44 yaşlılar arasında kişilərdə piylənmə səviyyəsi 5,5%, qadınlarda 3,1% təşkil edib. 45–64 yaş qrupunda göstərici kişilərdə 15,2%, qadınlarda 17,6%, 65 yaşdan yuxarı əhali arasında isə müvafiq olaraq 15,3% və 22,6% olub.
Araşdırma nəticələri göstərir ki, həddən artıq piylənmə halları yaş artdıqca yüksəlir və ən yüksək göstərici 65 yaşdan yuxarı qadınlar arasında qeydə alınıb.
