Azərbaycanın İnsan hüquqları üzrə müvəkkili (Ombudsman) Milli Məclisdə 2025-ci il üçün təqdim etdiyi məruzədə iş saatları ilə bağlı vacib təkliflər səsləndirib.
Təklifə görə, xarici ölkələrin təcrübəsi nəzərə alınaraq həftəlik və günlük iş saatlarına yenidən baxıla bilər. Məqsəd işçilərin fiziki və psixoloji sağlamlığını qorumaq, ailəyə və uşaqlara daha çox vaxt ayırmaq imkanı yaratmaq və eyni zamanda əmək məhsuldarlığını artırmaqdır.
Bundan əlavə, uzun illər işləyənlər üçün əlavə məzuniyyət günlərinin artırılması təklif olunur. Əmək stajı:
15 ildən 20 ilə qədər olanlara – 6 gün;
20 ildən çox olanlara isə – 8 gün əlavə məzuniyyət verilməsi nəzərdə tutulur.
Digər mühüm təklif isə "mobbinq"lə (iş yerində psixoloji təzyiq) bağlıdır. Əmək Məcəlləsinə bu barədə ayrıca maddə əlavə edilməsi və işçi iş yerində davamlı psixoloji təzyiqə məruz qalarsa, əmək müqaviləsini özü birtərəfli qaydada ləğv edə bilməsi təklif olunur.
Qeyd edək ki, bu dəyişikliklər hələlik təklif mərhələsindədir.
