Bakı-Sumqayıt yolunun müəyyən hissəsində işıqlandırma ilə bağlı problem yaşanır.
Belə ki, Masazır dairəsindən "Rahat" marketə qədər olan ərazidə yolboyu işıq dirəklərinin böyük əksəriyyəti gecələr elektrik enerjisi ilə təmin edilmir. Nəticədə, sözügedən magistral zülmətə qərq olur.
Sürücülərin sözlərinə görə, işıqlandırmanın olmaması görmə məsafəsini əhəmiyyətli dərəcədə azaldır, bu isə həm hərəkəti çətinləşdirir, həm də qəza təhlükəsi yaradır.
