Bakının daşnak-bolşevik işğalından azad edilməsinin 106-ci ildönümü tamam olur.
4 iyun 1918-ci ildə Batumda Osmanlı Türkiyəsi ilə Azərbaycan Xalq Cümhuriyyəti arasında dostluq müqaviləsinin imzalanmışdı. Bu müqaviləyə əsasən Mürsəl paşanın komandanlığı altında Beşinci Qafqaz diviziyası Azərbaycana göndərildi. Həmin diviziya və general-leytenant Əliağa Şıxlınskinin komandanlıq etdiyi Azərbaycan hərbi qüvvələri Qafqaz İslam Ordusu adı ilə vahid sturukturda birləşdirildi. Bu struktura rəhbərlik Nuru Paşaya həvalə olundu.
15 sentyabr 1918-ci ildə Nuru Paşanın rəhbərlik etdiyi Qafqaz İslam Ordusu Bakıya daxil olaraq şəhəri erməni-bolşevik işğalından azad etdi. Bununla da Bakıda hakimiyyəti ələ keçirən S.Şaumyanın başçılıq etdiyi erməni-bolşevik rejiminə son və türk-müsəlman əhalisinə qarşı həyata keçirdiyi kütləvi soyqırımının qarşısı alındı.
Bakının azad edilməsində 14 minə yaxın əsgər və zabit iştirak edib. Bunlardan 8 mini osmanlı, 6 mini isə azərbaycanlı idi. Bakı uğrunda döyüşlərdə 5-ci Qafqaz diviziyası 1300-ə qədər şəhid verdi. Ümumilikdə isə iyunun ortalarından sentyabrın 15-dək Qafqaz İslam Ordusunda döyüşlər zamanı şəhid olanların sayı təxminən 4000 nəfər olub.
Fəaliyyət göstərdiyi dövrdə Qafqaz İslam Ordusu Göyçaydan Bakıya qədər olan əraziləri, Qarabağı və ölkənin şimalını erməni-bolşevik qüvvələrindən azad etdi.
