Sumqayıtda sakinlər 3 nömrəli marşrut xəttin fəaliyyətindən narazıdırlar.
“Xeberle.com”un məlumatına görə, sakinlər avtobusların nasazlığından və hərəkət intervalının böyük olmasından şikayətlənirlər.
Azərbaycan Yerüstü Nəqliyyat Agentliyinin (AYNA) mətbuat katibi Tural Orucov sözügedən marşrut xətti ilə bağlı monitorinq aparıldığını bildirib:
"Vətəndaşlardan daxil olan müraciət əsasında AYNA-nın əməkdaşları tərəfindən H.Z.Tağıyev qəsəbəsi – Sülh küçəsi istiqaməti üzrə hərəkət edən 3 nömrəli müntəzəm marşrut xəttində monitorinq aparılıb. Daşıyıcıya sərnişin tələbatını nəzərə alaraq xəttə əlavə nəqliyyat vasitələrinin cəlb edilməsi ilə bağlı tapşırıq verilib. Qurum tərəfindən monitorinqlər davam etdiriləcək”.
