Deputat Müşfiq Məmmədli Boccia İdman Federasiyasının atletləri ilə görüşüb. Bu barədə o, 16 avqust tarixində şəxsi Facebook səhifəsində xəbər yayıb.
Azərbaycan idmanı üçün yenilik olan bu idman növündə ağır kateqoriyalı əlillik dərəcəsi olan uşaqlar, gənclər və yaşlılar güclərini sınayırlar. Görüşdə federasiyanın vitse-prezidenti, baş məşqçisi İlham Məhərrəmov və Niderlanddan qələbə ilə qayıdan idmançılar iştirak ediblər. Yarışda onlar 3 qızıl və 3 bürünc medal qazanıblar.
Gələcəkdə Sumqayıt və ya ətraf regionlarda boccia idman növü üzrə klubların yaradılmasının vacibliyi qeyd edilib.
