Bu gün Vətən müharibəsi şəhidi Rövşən Nurzadənin doğum günüdür.
Rövşən Əli oğlu Nurzadə 1975-ci ildə martın 24-də Sumqayıt şəhərində anadan olub. Əslən Ağsu rayonundan idi. Onun atası Milli Dram Teatrının sənətçisi, Azərbaycanın Xalq artisti Əli Nurdur. Ailəli idi.
Azərbaycan Ordusunun baş leytenantı olan Rövşən 2020-ci il sentyabrın 27-dən başlanan Vətən müharibəsi zamanı Qubadlının və Şuşanın azadlığı uğrunda gedən döyüşlərdə savaşıb. O, noyabrın 6-da Şuşa döyüşləri zamanı şəhid olub. 2-ci Fəxri xiyabanda dəfn olunub.
Döyüş zamanı şəxsi igidlik və şücaət nümayiş etdirdiyinə görə ölümündən sonra "Vətən uğrunda", "Füzulinin azad olunmasına görə", "Şuşanın azad olunmasına görə" və "İgidliyə görə" medalları ilə təltif edilib.
