Əslən Qubadlı rayonunun Xallava kəndindən olan Azər Zakir oğlu Quliyev 11 oktyabr 1996-cı ildə Sumqayıt şəhərində anadan olub. O, Sumqayıt şəhər Peşə liseyində təhsil alıb.
Azər 2015-2017-ci illərdə Qazax rayonunda həqiqi hərbi xidmət keçib, həmçinin Aprel döyüşlərinin də fəal iştirakçısı olub. Vətən müharibəsi başlayandan könüllü olaraq ordu sıralarına qatılan Quliyev şərəfli bir döyüş yolu keçib. Quliyev oktyabrın 23-də Xocavənd uğrunda gedən döyüşlərdə qəhrəmancasına şəhidlik zirvəsinə ucalıb. Sumqayıt Şəhidlər xiyabanında dəfn olunub.
Ölümündən sonra “Vətən uğrunda” və “Xocavəndin azad olmasına görə" medalları ilə təltif edilib.
