Xüsusi Təyinatlı Qüvvələrinin kapitanı Nurlan Hamlet oğlu Mustafayev 1990-cı il iyulun 22-si Sumqayıt şəhərində anadan olub. 2005-ci ildən 2008-ci ilədək C. Naxçıvanski adına Hərbi Liseydə, 2008-ci ildən isə Heydər Əliyev adına Azərbaycan Ali Hərbi Məktəbində təhsil alıb. 4 xarici dil bilirdi.
2010-cu ildən 2013-cü ilədək Almaniya Federativ Respublikasının Hərbi Məktəbində “Motoatıcı” ixtisası üzrə təhsil alıb.
Nurlan Vətən müharibəsinin ilk günündən torpaqlarımızın azad olunması uğrunda döyüşlərdə savaşıb. Müxtəlif rayonların və strateji obyektlərin azad olunmasında xüsusi şücaət göstərib və oktyabrın 12-si Hadrut uğrunda gedən döyüşlərdə qəhrəmancasına şəhid olub. O, İkinci Fəxri xiyabanda dəfn edilib.
Mustafayev ölümündən sonra “Azərbaycan Bayrağı” ordeni, “Vətən uğrunda”, “Cəbrayılın azad olunmasına görə”, “Kəlbəcərin azad olunmasına görə”, “Füzulinin azad olunmasına görə”, “Xocavəndin azad olunmasına görə” medalları ilə təltif edilib.
