Əmlak Məsələləri Dövlət Xidməti özəlləşdirmə hərracları təşkil edəcək. Hərraca çıxarılacaq 13 səhmdar cəmiyyətləri arasında Ceyranbatan qəsəbəsində fəaliyyət göstərən müəssisə də var.
İqtisadiyyat nazirliyinin saytında paylaşılan məlumata görə, yanvarın 25-də təşkil olunacaq hərraca “Ceyranbatan Dəmir Beton” ASC-nin səhm paketi çıxarılacaq.
Özəlləşdirmə hərraclarında iştirak etmək istəyən şəxslər “emlak.gov.az” və ya privatization.az-a daxil olaraq, dövlət əmlakı üzrə seçim edə bilərlər. Sifarişçilər hərraclara onlayn formada da qoşula bilərlər.
Hərrac günü prosesə marağı olanlar “Elektron hərrac” bölməsini seçərək hərracları qeydiyyatsız formada da izləyə bilərlər.
