Sumqayıt şəhər Ağsaqqallar Şurasının İdarə Heyətinin üzvləri ilə Sumqayıt şəhər İcra Hakimiyyəti yanında İctimai Şuranın üzvlərinin birgə yığıncağı keçirilib.
Sumqayit24.az xəbər verir ki, İctimai Şuranın təşəbbüsü ilə Ağsaqqallar Şurasının akt zalında keçirilən görüşdə hər iki qurumun fəaliyyəti və qarşıdakı dövrdə görüləcək işlər müzakirə olunub.
Ağsaqqallar Şurasının yeni seçilən sədri Eldar İsmayılov son üç ay ərzində görülən işlər barədə məlumat verib.
İctimai Şuranın sədri Hümbət Quliyev isə qurumun fəaliyyətindən danışaraq gələcəkdə birgə əməkdaşlığın əhəmiyyətini vurğulayıb.
Görüşdə Sumqayıt şəhər Veteranlar Şurasının sədri Sovet Şükürov, İctimai Şuranın üzvləri Hacı Rauf Sərdarov, Xatirə Fərəcli, Rafiq Oday, Gülnarə Cəmaləddin, Şahin Məmmədov və digər şəxslər çıxış edərək təkliflərini səsləndiriblər.
Çıxışlarda Sumqayıtda görülən abadlıq-quruculuq işləri, sosial məsələlər və şəhər sakinlərini narahat edən problemlərin həlli yolları müzakirə olunub.
