Ceyranbatan qəsəbəsində, Ceyranbatan su anbarının yaxınlığında yerləşən yeni yaşayış massivində sakinlər kommunal problemlərlə üzləşiblər.
Məlumata görə, ərazidə təxminən 60 ev tikilib. Lakin yaşayış massivində su və qaz xətlərinin olmaması səbəbindən evlərin böyük əksəriyyəti boş qalıb.
Sakinlərin sözlərinə görə, kommunal şəraitin olmaması bəzi ailələri məcburən şəhərin digər ərazilərində kirayə evlərə köçməyə vadar edib.
Məsələ ilə bağlı İri Şəhərlərin Birləşmiş Su Təchizatı Xidmətindən bildirilib ki, yaxın zamanlarda ərazidə içməli su şəbəkəsinin qurulması planlaşdırılır.
"Azəriqaz" İstehsalat Birliyindən isə qeyd olunub ki, maliyyə imkanlarından asılı olaraq ərazilərin qazlaşdırılması prosesinə baxılır.
Video: AzTV
