Ceyranbatan qəsəbəsində küçələrdən birində zibillərin vaxtında daşınmadığı iddia olunur.
Sumqayit24.az-a bu barədə 9-cu məhəllə, Ulduz küçəsinin sakinləri məlumat veriblər.
Vətəndaşların sözlərinə görə, ərazidə zibil qutuları olmadığı üçün məişət tullantıları evlərin qarşısına yığılır və zibil maşını tərəfindən daşınır.
Şikayətçilər bildirirlər ki, əvvəllər tullantılar həftədə iki dəfə ərazidən götürülsə də, son vaxtlar bu qaydaya əməl olunmur.
"Kimlə əlaqə saxlayırıqsa, ya həmin əraziyə onların baxmadığını, ya da işçi göndəriləcəyini deyir. İşçi gələndə də problem müvəqqəti həll olunur. Əvvəllər zibillər həftədə iki dəfə daşınırdı, indi isə 2-3 həftənin tullantıları yığılıb qalır. Aylıq zibil haqqı ödəməyimizə baxmayaraq, xidmət düzgün göstərilmir", - sakinlər bildiriblər.
Vətəndaşlar aidiyyəti qurumlardan ərazidə tullantıların mütəmadi daşınmasını və ərazidə zibil qutularının yerləşdirilməsini tələb edirlər.
