Sumqayıtda yataqxanalardan birində yaranan vəziyyət sakinlərin narazılığına səbəb olub.
Sumqayit24.az-a bu barədə 42-ci məhəllə, 16 saylı yataqxananın sakinləri məlumat veriblər.
Şikayətçilərin sözlərinə görə, yataqxananın yaxınlığında su və kanalizasiya xətlərindən sızma baş verir. Nəticədə ərazidə gölməçələr yaranır, hərəkət çətinləşir və ətrafa üfunət qoxusu yayılır.
"İlin hər günü vəziyyət belədir. Ağcaqanad və üfunət qoxusundan ərazidə dayanmaq olmur.
Həmin sular binalarımızın zirzəmilərinə qədər gəlib çatır. Zirzəmilər su içindədir. Zəhmət olmasa, bu məsələyə baxılsın və problem aradan qaldırılsın", - sakinlər bildiriblər.
