Corat qəsəbəsində "AzLink" internet provayderinin xidmət keyfiyyəti ilə bağlı sakinlərin narazılığına münasibət bildirilib.
Sumqayit24.az-a "AzLink"dən verilən məlumata görə, hazırda Corat qəsəbəsində internet sürətinin artırılması və xidmət keyfiyyətinin yaxşılaşdırılması istiqamətində zəruri işlər görülür.
Bildirilib ki, işlərin ayın sonunadək başa çatdırılması nəzərdə tutulub.
Xatırladaq ki, redaksiyamız 14 noyabr tarixində "AzLink" internet provayderinin xidmət keyfiyyəti barədə sakinlərin şikayətini işıqlandırıb.
***
Corat qəsəbə sakinləri "AzLink" internet provayderinin xidmət keyfiyyətindən narazıdırlar.
Sumqayit24.az-a müraciət edən şikayətçilərin sözlərinə görə, ərazidə internetin sürəti olduqca aşağıdır. Onlar bildirirlər ki, yaranan texniki problemlərlə bağlı şirkətə müraciət etsələr də, problemlərin aradan qaldırılması üçün ünvana texniki əməkdaş göndərilmir.
Sakinlərin iddiasına görə, şirkətin əlaqə nömrələrinə edilən zənglər də cavabsız qalır. Bu isə yaranmış problemlərin həllini çətinləşdirir.
Məsələ ilə bağlı Sumqayit24.az tərəfindən AzLink internet provayderinə sorğu ünvanlanıb.