Sumqayıtda fəaliyyət göstərən Etilen-polietilen zavodunda təbii qaza əhəmiyyətli qənaət edilməsinə və emissiyaların azaldılması məqsədilə mühüm tədbirlər görülüb.
Sumqayit24.az xəbər verir ki, bu barədə SOCAR məlumat yayıb.
Bildirilib ki, Buxar Generator Kompleksinin modernləşdirilməsi sahəsində əməkdaşlıq məqsədilə yaradılan birgə müəssisə “Uniper” şirkətinin qabaqcıl enerji həllərindən istifadə etməklə nail olunub.
Həmin tədbirlərin icrası nəticəsində Buxar Generator Kompleksinin enerji istehsalı gücü 8-10 MVt-dan 65 MVt-a çatdırılıb, illik 3,1 milyon kubmetr təbii qaza qənaət olunması, illik 6,600 ton karbon (CO2) və 7,8 ton NOx emissiyalarının, hər il atmosferə buraxılan 160.000 ton buxarın azaldılması təmin edilib. Həmçinin buxar qazanının gücü 450 ton/saata yüksələrək layihə gücünün 93%-nə çatdırılıb, 68% ümumi enerji səmərəliliyinə nail olunub.
Qeyd edək ki, “SOCAR-Uniper” şirkəti 2016-cı ildə təsis edilib.
