Sumqayıtda məhəllədən keçən yol parkinqə çevrilib.
Sumqayit24.az-a müraciət edən sakinlərin sözlərinə görə, 2-ci mikrorayonun Sülh prospektinə düşən hissəsində məhəlləyə giriş yolunun bir tərəfi avtomobillərlə, digər tərəfi isə obyektlərlə zəbt olunub.
Onlar bildirirlər ki, ərazidə normal səki də yoxdur. Avtomobillər yolun kənarında park edildikdə isə piyadaların hərəkəti daha da çətinləşir və insanlar məcburən avtomobil yolundan istifadə etməli olurlar.
Sakinlər ərazidə normal səkinin salınmasını və piyadaların rahat hərəkəti üçün şərait yaradılmasını istəyirlər.
