Sumqayıtda yaşayış binasının yaxınlığında aşmaq üzrə olan ağac sakinlərin narahatlığına səbəb olub.
Sumqayit24.az-a müraciət edən vətəndaşların sözlərinə görə, birləşmiş məhəllədə (7-8 -12), 9 nömrəli binanın yaxınlığında iri gövdəli ağac aşmağa meyillidir.
"Gözləyirlər ki, kimsə ağacın altında qalsın, sonra tədbir görülsün", - deyə vətəndaş narahatlığını ifadə edib.
Bundan əlavə, fotodan aydın görünür ki, ağac ərazidən keçən kabel xəttinin üzərinə doğru əyilib. Bu isə əlavə risk yaradır.
Sakinlər aidiyyəti qurumlardan məsələyə operativ müdaxilə edilməsini və təhlükənin aradan qaldırılmasını tələb edirlər.
