Sumqayıt şəhərində fəaliyyət göstərən uşaq bağçalarında maarifləndirici tədbirlər baş tutub. Bu haqda 11 avqust tarixində Sumqayıt24 Sumqayıt Tibb Mərkəzinə istinadən məlumat verir.
Sumqayıt Tibb Mərkəzi tərəfindən keçirilən tədbir 8 nömrəli və 65 nömrəli körpələr evi-uşaq bağçalarında təşkil olunub.
4 nömrəli Ailə Sağlamlıq Mərkəzinin (ASM) ailə həkimi və pediatrları Sevinc Hüseynova, Vüsalə Məmmədova və Aybəniz Əmiraslanova uşaqlarda profilaktik peyvəndin əhəmiyyəti ilə bağlı valideynlərə ətraflı məlumat veriblər.
Qarşılıqlı fikir mübadiləsi şəraitində keçən seminarda valideynləri maraqlandıran suallar cavablandırılıb.
