"İdman zamanı qəbul edilən suyun miqdarı ilk növbədə bədənin real ehtiyacına uyğun olmalıdır. Məsələn, velotrenajorda təxminən 15 dəqiqə davam edən adi məşq zamanı orta hesabla 500–1000 ml suya ehtiyac yarana bilər".
Bu barədə Aif.ru portalına endokrinoloq-diyetoloq Anton Polyakov məlumat verib.
Mütəxəssis qeyd edib ki, əgər söhbət marafon qaçışı və ya uzun müddət velosiped sürmək kimi daha ağır fiziki fəaliyyətlərdən gedirsə, bu zaman orqanizmin suya olan tələbatı daha da artır.
Həkimin sözlərinə görə, əsas diqqət real ehtiyaca yönəlməlidir: orqanizm suya ehtiyac duyduqda bunu müxtəlif bədən siqnalları ilə göstərir və bu siqnallar insanı aldatmır. Buna görə də idman zamanı su qəbul edərkən konkret universal rəqəmlərə deyil, məhz bədənin göndərdiyi siqnallara əsaslanmaq daha doğru yanaşma hesab olunur.
