Bu gün Sumqayıtda yaşamış şəhidimizin doğum günüdür.
Əlizamin Valeh oğlu Mustafalı 1997-ci il sentyabrın 1-i Beyləqan rayonunda anadan olub.
2003-2012-ci illərdə orta təhsilini Sumqayıt şəhər İ. Qayıbov adına 1 nömrəli tam orta məktəbdə alıb. 2012-ci ildə 3 nömrəli peşə liseyinə daxil olub və 2015-ci ildə bitirib. Ailəli idi, iki övladı yadigar qalıb.
Əlizamin Mustafalı 2015-ci ildə Azərbaycan Silahlı Qüvvələrinin sıralarında müddətli həqiqi hərbi xidmətə çağrılıb. 2017-ci ildə hərbi xidməti uğurla başa vurub. 2020-ci il iyul hadisələri zamanı General Polad Həşimov şəhid olandan sonra cəbhədə döyüşmək üçün könüllü yazılıb.
Azərbaycan Ordusunun əsgəri olan Əlizamin Mustafalı 2020-ci il sentyabrın 27-də başlanan Vətən müharibəsidə Cəbrayıl, Füzuli və Xocavənd istiqamətində gedən döyüşlərdə iştirak edib. Oktyabrın 21-də Hadrut istiqamətində gedən döyüşlər zamanı şəhid olub. Sumqayıt Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Əlizamin Mustafalı ölümündən sonra "Vətən uğrunda", "Cəbrayılın azad olunmasına görə", "Füzulin azad olunmasına görə", "Cəsur döyüşçü", "Xocavəndin azad olunmasına görə" medalları və 3-cü dərəcəli "Vətənə xidmətə görə" ordeni ilə təltif edilib.
