Sumqayıtda məhəllələrinin birində kanalizasiya problemi sakinləri çətinliklərlə üz-üzə qoyub.
Sumqayit24.az-a müraciət edən Qubadlı rayonundan olan keçmiş məcburi köçkünlərin sözlərinə görə, 2 saylı internat evində kanalizasiya borularının partlaması nəticəsində çirkab sular həyətlərə dolub.
Nəticədə yaşayış sahələri su altında qalıb, həmçinin içməli su mənbələri çirkab sularla qarışaraq yararsız vəziyyətə düşüb.
Qeyd olunub ki, həmin ərazidə ümumilikdə 34 ailə yaşayır və mövcud vəziyyət onların gündəlik həyatına ciddi çətinliklər yaradır.
