Sumqayıtda “Bütün peşələrin gözüdür müəllim” adlı tədbir keçirilib. Bu barədə 6 oktyabr tarixində Sumqayıt MKS-yə istinadən xəbər veririk.
Nizami Gəncəvi adına Kitabxana klubunun əməkdaşları tərəfindən keçirilən tədbir 34 nömrəli tam orta məktəbdə baş tutub. Kitabxana mütəxəssisi Mehparə Bağırova çıxış edərək, müəllim əməyinin əsl vətənpərvərlik nümunəsi, təhsildə əsas sima, ən nüfuzlu şəxs olmasından danışıb. Sonda şagirdlər müəllim haqqında yazılan müxtəlif şeirlər, hikmətli sözlər söyləyib, “Əziz müəllimim” mahnısını ifa ediblər.
Məktəbin ibtidai sinif müəlliməsi İlhamə Rzayeva bu tədbirin təşkili üçün kitabxana əməkdaşlarına təşəkkürünü bildirib.
