Mərkəzi Uşaq Kitabxanasında “Zəfərin simvolu xarıbülbülüm” adlı tədbir keçirilib. Bu haqda 14 oktyabr tarixində Sumqayıt24 xəbər verir.
Tədbirdə “Nako Edu Klub” tədris mərkəzinin məktəbəqədər qrupunun şagird və müəllim heyəti iştirak edib. Kitabxananın multimedia mütəxəssisi Səbinə Qasımova xarıbülbül haqqında qısa məlumat verib, balacaları Humayun Sevincin “Xarıbülbül əfsanələri" kitabından maraqlı məlumatlarla tanış edib.
Uşaqlar mətnə uyğun xarıbülbül eskizlərini bacarıqla tamamlayaraq təqdim ediblər. Daha sonra şeir və mahnı töhfələri səsləndirilib, Mehriban Nağıyevanın “Xarı Bülbül” nağılı əsasında çəkilmiş videoçarx nümayiş olunub. [modula id="25066"]
