Sumqayıt Tibb Mərkəzi (STM) maarifləndirici tədbir keçirib. Sumqayıt24 bu haqda 6 dekabr tarixində xəbər verir.
General Məhəmməd Əsədov adına İnteqrasiya təlimli internat tipli gimnaziyada baş tutan görüşdə valideynlər də iştirak ediblər. 1 nömrəli Ailə Sağlamlıq Mərkəzinin Pediatriya şöbəsinin müdiri Şəbnəm Səlimova, ailə həkimi-pediatr Günay Əhmədova onlara qızılca xəstəliyindən söz açıblar.
Xəstəliklə mübarizədən danışan Ş. Səlimova bildirib ki, qızılcadan qorunmanın ən effektiv və yeganə yolu peyvəndlənməkdir.
Sonda auditoriyanı maraqlandıran suallar cavablandırılıb.
