Məktəbli qızı döydüyü iddia olunan direktorun aqibəti bəlli olub. Sumqayıt24 bu barədə Oxu.az-a istinadən xəbər verir.
Abşeron-Xızı Regional Təhsil İdarəsindən verilən məlumata görə, Ceyranbatan qəsəbəsi 1 nömrəli məktəbin rəhbəri olan Çinarə Atayeva ilə bağlanmış əmək müqaviləsinə xitam verilib.
Qeyd edək ki, bir müddət öncə həmin məktəbdə təhsil alan şagirdin valideyni direktorun onun qızına işgəncə verməsi və döyməsi barədə şikayət ünvanlamışdı. Daxili İşlər Nazirliyi və Təhsil İdarəsində məsələ ilə bağlı araşdırmalara başlanılmışdır.
