Sumqayıtda “Yüksək texnologiyalar dünyasına açılan qapı” adlı tədbir keçirilib. Sumqayıt24 bu barədə 8 sentyabr tarixində Mədəniyyət Xəbərlərinə istinadən xəbər verir.
Görüş Mərkəzi uşaq kitabxanasının əməkdaşları və “SUMbuilders” Təlim Olimpiada İstehsal Mərkəzi tərəfindən təşkil olunub. Kitabxananın multimedia üzrə mütəxəssisi Səbinə Qasımova çıxış edərək müasir texnologiyaların və innovasiyaların dünyada yaratdığı dəyişikliklər haqqında məlumat verib. Daha sonra iştirakçılar “Bunları bilmək maraqlıdır” adlı sərgi ilə tanış olublar.
Olimpiada İstehsal Mərkəzinin təsisçisi və mentoru Tural Süleymanov mərkəzin yaranma tarixi və nailiyyətləri, dünyada keçirilən layihələr, olimpiadalar, Azərbaycanda robototexnikanın inkişafını stimullaşdıran yarışlar haqda danışıb.
Sonda məktəblilərin iştirakı ilə robotun yığılıb sökülməsi və hərəkətə gətirilməsi əyani şəkildə təqdim olunub.
