Poeziya evində sumqayıtlı yazarlarla görüş baş tutub. Bu barədə Sumqayıt24 xəbər verir.
Poeziya günü ilə əlaqədar tədbir S. Vurğun adına Mərkəzi kitabxana tərəfindən keçirilib. Burada 27 nömrəli məktəbin müəllim - şagird kollektivi və Gənclər evinin könüllüləri iştirak ediblər.
Tədbirin aparıcısı olan kitabxananın əməkdaşı, Azərbaycan Yazıçılar Birliyinin üzvü, şairə Gülnar Ümid gənc yazarlar Elvin İntiqamoğlu, Elşad Xaqan Davudoğlu, Ümid Abbas Nihani və Vüsal Ağanı iştirakçılara təqdim edib.
Daha sonra iştirakçılar yazarların vətənpərvərlik mövzusunda olan şeirləri ilə tanış olublar. Eləcə də şagirdlərin ifasında Vətənə aid şeirlər səsləndirilib.
