H.Z. Tağıyev qəsəbəsində deputat Müşviq Məmmədli ilə görüş keçirilib. Sumqayıt24 bu barədə 8 oktyabr tarixində xəbər verir.
Qəbul qəsəbə inzibati ərazi dairəsi üzrə nümayəndəliyində baş tutub. Görüşdə Sumqayıt İH-nin məsul şəxsi, qəsəbənin bələdiyyə sədri Əsli Qasımova və ağsaqqallar iiştirak ediblər. Burada vətəndaşlar problemlər, təkliflər barədə çıxış etdilər.
Sakinlər nəqliyyat çatışmazlığından, dayanacaqların azlığından, idman kompleksinin olmamasından, tədbirlərin keçirilməsi üçün qapalı məkanın yoxluğundan narahatlıqlarını ifadə ediblər. Deputat qeyd olunan bu və digər məsələlər barədə aidiyyəti qurumlara müraciət edəcəyini bildirib.
Həmçinin millət vəkili qəsəbədə yerləşən 19 saylı məktəbə baş çəkib. Cari təmirdən sonra yaradılan şəraitlə tanış olub.
