Milli Qəhrəman, şəhid Şükür Həmidovun qızı Əzizənin toyu olub.
Sumqayit24.az xəbər verir ki, bu barədə sosial şəbəkələrdə görüntülər yayılıb.
Əzizə xanım Nicat adlı bəylə ailə həyatı qurub.
Qeyd edək ki, Şükür Həmidov 1975-ci il aprelin 1-də Qubadlı rayonunda anadan olub. 1993-cü il avqustun 31-də Qubadlı rayonunun ermənilər tərəfindən işğal edilməsindən sonra ailəsi ilə birlikdə Sumqayıt şəhərinə gəliblər və burada yaşamağa başlayıblar.
Şəhidimiz 2016-cı ilin 2–5 aprelində baş verən Aprel döyüşlərində Cəbrayıl rayonu istiqamətində yerləşən "Lələtəpə" strateji nöqtəsinin alınması zamanı xüsusilə fərqlənib və buna görə də Azərbaycan Prezidenti İlham Əliyevin 20 aprel 2016-cı il tarixli Sərəncamına əsasən Azərbaycanın Milli Qəhrəmanı adına layiq görülüb.
Şükür Həmidov həmçinin 44 günlük Vətən Müharibəsində iştirak edib və 2020-ci il oktyabrın 22-də səhər radələrində Qubadlı rayonu istiqamətində döyüş zamanı ön xəttdə şəhid olub.
