Sumqayıt Gömrük İdarəsində sahibkarlarla görüş keçirilib. Bu haqda 27 yanvar tarixində Sumqayıt24 Dövlət Gömrük Komitəsinə istinadən məlumat verir.
26 yanvar - Beynəlxalq Gömrük Günü münasibətilə təşkil olunan toplantıda idarənin fəaliyyət zonası üzrə idxal, ixrac və emal əməliyyatlarını həyata keçirən müəssisələrin rəhbərləri iştirak ediblər.
Görüşdə sahibkarlara gömrük sistemində aparılan islahatlar, gömrük xidmətinin strateji hədəfləri və baxışları, tətbiqinə başlanılan və gələcəkdə reallaşdırılması nəzərdə tutulan layihələr barədə ətraflı məlumat verilib. İştirakçıları maraqlandıran suallar ətraflı cavablandırılıb.
