Sumqayıtda şəhid ailələri ziyarət edilib. Bu barədə 3 oktyabr tarixində Regional Mədəniyyət İdarəsinə istinadən xəbər veririk.
Qara Qarayev adına 1 nömrəli Uşaq Musiqi Məktəbinin kollektivi Vətən müharibəsi şəhidi Şirbala Hüseynovun ailəsini ziyarət edib. Kollektiv ailənin qayğıları ilə maraqlanıb.
Hüseynov ölümündən sonra “Vətən uğrunda”, “Füzulinin azad olunmasına görə” medalları ilə təltif olunub.
Şuşa Şəhər Bülbülcan adına Uşaq Musiqi Məktəbinin kollektivi isə şəhid Əmir Kazımovun ailəsi ilə görüşüb. Ziyarət zamanı şəhidin şərəfli döyüş yolundan bəhs edilib.
Qəhrəman şəhidimiz ölümündən sonra "Vətən uğrunda", "Cəsur döyüşçü", "Suqovuşanın azad olunmasına görə" medalları ilə təltif edilib.
