Çimərlik mövsümü açılar-açılmaz Novxanı sahillərində antisanitar vəziyyət yaranıb.
Sumqayit24.az-a daxil olan məlumata əsasən, qəsəbədə yerləşən çimərliyin vəziyyəti olduqca acınacaqlıdır. Vətəndaşlar bütün ərazinin çirkli və baxımsız halda olduğunu bildirirlər:
“Ətrafda çoxlu şüşə qırıqları, plastik butulka və digər tullantılar var”, -deyə şikayətçilərdən biri qeyd edib.
Onların sözlərinə görə, burada təmizlik işləri həyata keçirilmir. Bundan əlavə, dincəlməyə gələn şəxslər ətrafı daha da çirkləndirirlər:
“Bu çimərlik pulsuzdur, amma bu, insanların antisanitar şəraitdə istirahət etməli olduğu mənasına gəlmir”.
Şikayətçilər aidiyyəti qurumlardan məsələ ilə bağlı tədbir görülməsini tələb edirlər.
