Saray qəsəbəsində piyada keçidlərinin olmaması sakinlərə çətinlik yaradır.
Sakinlərin sözlərinə görə, xüsusilə məktəblilər və yaşlı insanlar yolu keçərkən çətinliklə üzləşirlər.
Vətəndaşların məlumatına əsasən, qəsəbənin bir çox ərazilərində avtomobil yollarında piyada keçidi yoxdur. Bəzən bu cür hallar yol-nəqliyyat hadisələri ilə nəticələnir.
Məsələ ilə bağlı Yerüstü Nəqliyyat Agentliyinin Sumqayıt Regional İdarəsindən bildirildi ki, Saray qəsəbəsində yol hərəkətinin daha təhlükəsiz və nizamlı təşkili üçün piyada keçidlərinə ehtiyac var. Bununla bağlı artıq tədbirlər planı da hazırlanıb.
Yaxın günlərdə Saray qəsəbəsinin müxtəlif ərazilərində piyadalar üçün zolaqların çəkilməsi nəzərdə tutulur.
Video: Xəzər TV
