Sumqayıt sakinləri səhər saatlarında Bakıya gəlməkdə çətinlik çəkiblər. Bu barədə 10 oktyabr tarixində Sumqayıt24 xəbər verir.
Bu gün Heydər parkı və avtovağzalın önündə insan sıxlığı yaşanıb. Kimisi işə, kimisi isə dərsə getmək üçün nəqliyyat vasitəsini gözləməkdə idi. Lakin onların sözlərinə görə, yarım saatdan çox vaxt ərzində nə avtobus, nə də ki “manatlıq” taksi gəlmirdi.
Qeyd olunur ki, paytaxt istiqamətində onlayn taksi xidmətlərinin avtomobilləri də müvəqqəti əlçatmaz olmuşdu.
