Paytaxtda avtoxuliqanlıq edən şəxs saxlanılaraq, aidiyyəti üzrə təhvil verilib.Bu barədə bu gün, 25 sentyabr tarixində Oxu.az məlumat yayıb.
Sumqayıt şəhəri qeydiyyatında olan dövlət nişanlı "Volkswagen" markalı avtomobilin sürücüsü polisin "saxla" əmrinə tabe olmayaraq, 10-a yaxın avtomobilə maddi ziyan vurub. 28 yaşlı Kamran Cəbrayılzadə polisdən yayınmağa cəhd göstərib və bu səbəbdən ətrafdakı sürücülər yol polis əməkdaşına kömək etməyə çalışıblar.
Qeyd edək ki, zərərçəkən avtomobillərdən biri taekvondo üzrə Avropa çempionu İlkin Şahbazova məxsusdur.
Faktla bağlı Yasamal RPİ-nin İstintaq şöbəsində Cinayət Məcəlləsinin Xuliqanlıq maddəsi ilə cinayət işi başlanıb, Cəbrayılzadə şübhəli şəxs qismində saxlanılaraq, istintaqa cəlb olunub.
