Sumqayıtda fəaliyyət göstərən seçki məntəqələrində treninqlər təşkil olunub. Bu haqda 18 yanvar tarixində Sumqayıt24 Azərtac-a istinadən məlumat verir.
Treninqlər prezident seçkiləri ilə əlaqədar aşağı seçki komissiyalarının üzvləri üçün keçirilib. 42 saylı Sumqayıt birinci, 43 saylı Sumqayıt ikinci və 45 saylı Sumqayıt dördüncü seçki dairələrində məşğələlər iştirakçıların fəallığı ilə seçilib.
Seminar zamanı iştirakçılara seçki günü nəzərdə tutulan qaydalar haqqında müfəssəl məlumat verilib. Protokolun düzgün tərtib olunması və digər məqamlar ətraflı izah edilib. Eləcə də bütün üzvlər lazımi ləvazimatlar, broşürlər və vəsaitlərlə təmin ediliblər.
