Qızıl Aypara Cəmiyyətinin Sumqayıt şəhər bölməsinin nümayəndələri "Sağlam Həyat" proqramının qonağı olublar. Bu haqda 6 sentyabr tarixində Sumqayıt24 xəbər verir.
“Səhiyyə TV”-nin efirində yayımlanan proqramda Sumqayıt Regional Mərkəzinin koordinatoru, şəhər bölməsinin sədri Mətanət Məhərrəmova ve QAC Sumqayıt şəhər bölməsinin Fövqəladə Mobil Könüllü Dəstənin üzvləri iştirak ediblər.
Verilişdə ilk öncə Cəmiyyətin fəaliyyətləri və iş prinsipləri barədə söhbət aparılıb. Daha sonra FMKD-nin üzvləri tərəfindən İlk yardım çadırı qurulub. Daha sonra Sona Nəzərovanın moderatorluğu ilə avtomobil qəzaları zamanı ilk yardımın hansı formada göstərilməsi və zərərçəkmişə necə kömək edilməsi izahlı şəkildə, könüllülər tərəfindən praktiki göstərilib.
